Ал соңғы тәулікте тағы 6 мың тауық өртелді. Бұған дейін мамандар ауру құсты инсинераторларда өртеп келген. Бірақ ең соңғы фабрикалардан шыққан 6 мың өлексені полигонда көзін жоюға тура келіпті. Себебі, арнайы пештер құс тұмауынан қырылған қанаттыларды өртеп, артынша тазалау жұмыстарын жүргізуге үлгермей жатыр екен. Одан қалды, өлекселерді бір елді-мекеннен екіншісіне тасымалдау қауіпсіз болмай тұр. Дегенмен, полигондарда санитарлық талаптарды сақталған деп сендірді мамандар. Осылайша, 46 мың құстың көзі жойылды. Олар 18 елді-мекеннен алынған. Әлі кезекте 11 ауыл бар. 

Нұржан Шәріпов, СҚО, эпизоотияға қарсы жасағының жетекшісі:

- Құстарды өртеп жатқан полигондар барлық талапқа сай. Елдімекендерден бір шақырым қашықта орналасқан, қауіптенуге себеп жоқ. Өртеп болған соң, міндетті түрде орын дезинфекцияланады. Облыста 30-ға жуық ит-құс қалдығын өртейтін арнайы орын бар. Бірақ олар өлекселерді өртеп үлгермей жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!