Шырт ұйқыда жатқан Зинаида көршілердің шуынан оянған. Көзін аша салып, лапылдап жанған отты көрген әйел абдырап қалғыпты. Алайда ол үй-ішімен жұмыла қызыл жалынды өшіруге талпыныпты. Бірақ одан нәтиже шықпаған. 

Зинаида Перевозчикова, Бәйтерек ауылының тұрғыны:

- Алдымен шошқаларымды сыртқа шығаруға тырыстым. Бірақ жартысы қызыл жалынның құрсауында қалды. Бәрін жанып кетті. Жарығымыз өшіп қалды. Сөндіретін суымыз да, қырсыққанда бітіп қалды. Айтарға сөзім жоқ. 

Зинаиданың күйін Достық ауылындағы бес үйдің тұрғындары кешіп отыр. Түн ішінде тұтанған от жұрттың қора-қопсысына түгел жайлап, төрт түлік пен құстар тірідей жанып кетіпті. Сондай-ақ, жұрттың қысқа дайындаған мая-мая жеп-шөбі де күлге айналған. Шығынға батқан бұқара «мұндай қастандықты арнайы топ жасады» деп топшылайды. Бірақ не үшін екені ешкімге белгісіз.

Еркін Әдиев, Бәйтерек ауылының тұрғыны:

- Бұл топтық жұмыс. Осындай өрт қоюмен айналысатындардың қылығы. Бір кісі барлығын жағуға шамасы жетпейді. Өрттің арасы бес минут. Бар жинағанымыз өртеніп кетті.  

Құтқарушылардың да болжамы қарашаныкімен сәйкес келіп тұр.

Жасұлан Жұмашев, БҚО Төтенше жағдай департаментінің бастығы:

- Өрттің өзін қалай көрсеткенінен білуге болады. Шөп астынан бастап өзімен-өзі жанбайды. Найзағай түсіп, үстінен жануы мүмкін. Бірақ кеше күн ашық болды. Алдын ала болжам бойынша, өрттің себебі – қасақана қойылған.

Қаскөйлерді табу үшін тәртіп сақшылары да іздестіруге кіріскен. Қазір тілсіз жаудан келген шығын көлемі есептеліп, өрттің шығу себебі анықталып жатыр. Жергілікті әкімдік қорадағы малы мен жеп-шөбінен бір сәтте айырылған тұрғындарға көмектесуге уәде берді.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!