Бекболат Шәкіров, ҚАЖК Қарағанды облыстық департаменті бастығының орынбасары:

- Ол жалғыз адамдық камерада отырған. Тергеу абақтысына түскеннен бері психологтың бақылауында болды. Оның өлі денесі кеше таңғы сағат 7:45-те табылды. Өзіне қол жұмсағаны анық.

Абақтысының басшылығы оның денесінде ұрып-соғу белгілері жоқ деп отыр. Бірақ қандай жолмен өзіне қол жұмсағанын айтпады.

Қаскөйдің әрекеті Сәтбаев қаласындағы жаппай тәртіпсіздікке себеп болған еді. 23-шілдеде Жезқазғаннан туыстарына қонаққа келген бес жастағы қыз аулаға шығып жоқ болған. Туған-туыс, полиция мен еріктілер айналаны толық шолып шығып, қыз қонаққа келген үйдің алдына шоғырланады. Сөйтсе бүлдіршінді бірінші қабатта тұрған күдікті үйіне кіргізіп алған. Полиция қызды ата-анасына беріп, күдіктіні шығармақ болғанда подьезге жиналған қара құрым ел ойран салған. Қақтығыс кейін полиция бөлімінің алдында жалғасты. Бейберекетсіздікке байланысты іс қозғалып, қазір 19 адам тергеліп жатыр.    

Бізді Youtubе-та қараңыз! Бізді Facebook-та, Instagram-да, Telegram-да оқыңыз!