Қазан айының басынан бері Балқаш қаласында 40 адам коронвирус жұқтырыпты. Оның 10-ы – балалар. 70 мың түрғыны бар қалаға бұл көп болып саналады. Осыған байланысты санитарлық дәрігерлер қатаң шараларды қолға алды.

• Түнгі сағат 10-нан таңғы 5-ке дейін көшеде жаяу немесе жеке көлікпен жүруге тыйым салынады.
• Саябақ, жағажай және балалар алаңқайлары тегіс жабылады.
• Қоғамдық көлік қозғалысына да шектеу қойылады.
• Сауда және қоғамдық тамақтану орындары түнгі сағат 10-нан кейін жұмысын тоқтатуы тиіс.
• Шаштараздар мен моншаларға алдын ала жазылып, әлеуметтік ара қашықтықты сақтап қана баруға рұқсат.

Осы талаптар сақталуын қаланы күні-түні аралауға шығатын полиция қызметкерлері қадағалайды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!