Яна Шарабокова желіде ню модель ретінде танымал. Оған сылқымның инстаграмм парақшасындағы суреттері дәлел. Тырдай жалаңаш күйіндегі фотоларын тамашалаушылар да жетіп артылады. Танымал модельдің шырт ұйқысын жарым түнде полицейлер мен арнайы жасақ сарбаздары бұзған. Оның бейнетүсіру мен жарықтандыру құралдары қоршаған жұмыс орны мен жыныстық қатынаста қолданатын ойыншықтары тәркіленген еді. Яна фото-видео түсірілімді өзім үшін жасаймын, роликтердің саудасына еш қатысым жоқ дегенді айтады.

Яна Шарабокова, Қарағанды қаласының тұрғыны:

- Менің қатысуыммен жасалған видеоролик желіге тараған. Бірақ мен ол видеоны өзімнің танысыма ғана жібергем. Ал оны саудалаған телеграм-арнаның Украинада тіркелгенін полицейлер анықтадық деп отыр. Алдымен сол телеграм-арнаның кімге тиесілі екенін анықтап алмай неге маған шүйліккендерін түсінбеймін.

Жалаңаш денесін көрсетуге құмар ару полицейлердің кәсіби деңгейі төмен дейді. Дәлелсіз, дәйекіз, ұстау операциясын жасап оның бейнетүсірілімін ертесі күні-ақ елге жария еткені мұның ар ожданына нұқсан келтірген.

Яна Шарабокова, Қарағанды қаласының тұрғыны:

- Олар мені жезөкше етіп көрсетті. Менің осы шағын қалада туғандарым мен таныстарым көп. Мен тәнімді саудалайтын өз-өзіме жау емеспін. Парақшамды жүргіземін, модель бизнесімен айналысамын.  

Ал полицейлер бұл бикеш сүттен ақ судан таза емес дейді. Тергеу құпиясына байланысты айтылмайтын, бірақ нақты дәлелдеріміз бар деп отыр.

Бақытжан Құдияров, Қарағанды облыстық ПД баспасөз хатшысы:

- Біз қазір бұқаралық ақпарат құралдарына істің толық мән-жайын ашып айта алмаймыз. Полиция қызметкерлері мұндай жедел іздестіру жұмыстарын тектен тек жасаған жоқ. Сондықтан да қылмыстық істің барлық жинақталған дәлелдемелері сотқа жолданатын болады.

Яна Шаробокова қазір адвокатының артынан еріп, айтқанын істеп жүр. Өзіне тағылған айыптар бойынша сотта жеңіп шығатынына сенімді. Содан кейін полицейлердің өзін сотқа бермек. Дегенмен, тәртіп сақшылары тергеу құпиясына байланысты айтылмағандарды сот барысында жайып саламыз деп әліптің артын бағып отыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!