Ұшақпен ұшып келетіндер де коронавирус жоқ деген анықтама көрсетуге міндетті. Екі аптаға созылатын карантин кезінде тұрғындардың түнгі 21:00 ден таңғы 6-ға дейін көшеде бейсауыт жүруіне тыйым салынған. Өйткені өңірде эпидемиологиялық жағдай күн сайын нашарлап барады. Десе де, Шығыс Қазақстан облысы жұқпалы індет ошағына айналды. Мұндағы көрсеткіш әлі жоғары болып тұр. Бұл өңірде соңғы бір тәулікте 222 адамнан ауру анықталған. Ал ел бойынша бір күнде COVID-19 жұқтырған 494 науқас тіркелді. Коронавирустық пневмониямен ауырғандар саны тағы 209-ға көбейді. Қос аурудан бір күнде 7 адам қайтыс болған. Осылайша соңғы тоғыз айда коронавирусқа шалдыққандар саны 115 мыңға жақындап қалса, өкпесі қабынғандардың саны 38 мың 490-ға жетті.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!