Екі әйел моншада тұншығып өлді – Түркістан облысы
Моншаға түсем деп көз жұмды. Түркістан облысында туысының үйіне қонаққа келген апалы-сіңлілі екі әйел моншадағы улы газға тұншығып өлген.
Автор: Бек Әбиев
26.11.2020
Оқиға Ленгер қаласында болды. Моншасы бар туысының үйіне қонаққа келген 49 және 47 жастағы әйелдер суға түспек болады. Моншаға кірген екеу ұзақ уақыт шықпай қойыпты. Артынан іздеп кіргендер олардың ес-түссіз сұлық жатқанын көреді. Бірақ бірден көмектесу мүмкін болмады. Уланған апалы-сіңлілі сол жерде жантәсілім еткен. Олардың улануына моншаға қойылған газ бағанасы себеп болған. Түтін шығатын мұржа сыртқа қарай тартылмаған. Сондықтан улы газ моншаға толып кеткен.
Бақытжан Зафаров, Түркістан облыстық ТЖД басқармасының бастығы:
- Біз көбінесе жылыту қондырғыларын, үйді жылыту жүйесіне мән береміз де, ал монша, ваннадағы қондырғыларға мән бермейміз. Қазір статистикаға қарасаңыз, екі жағдайда – ваннада, моншада уланып жатыр. Осыған мән берсе дейміз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
