Меткомбинаттағы өртте краншы әйел жанып кете жаздады – Павлодар
Павлодарда арнайы комиссия металлургиялық комбинатта болған апат себебін анықтап жатыр. Өрт салдарынан мекемедегі аспалы кранның машинисі тірідей жанып кете жаздаған.
Автор: Саят Дәулетжанұлы
10.12.2020
Оқыс оқиға Ақсу ферроқорыту заутынының 6-шы цехында болған. Технологиялық процесс кезінде балқып, бұрқ-сарқ қайнап жатқан шлак атылған. Отшашу іспеттес шашылған сұйықтық машинист отырған кранның кабинасына түсіп от тұтаныпты. Ішіндегі краншы әйел кабинадан жалма-жан шығып үлгерген. Дегенмен қызыл жалын 57 жастағы әйелді оңдырмай шарпыған.
Эльмира Темірғалиева, Павлодар облыстық денсаулық сақтау басқармасының баспасөз хатшысы:
- Ақсу қаласының ауруханасына 1-ші, 2-ші және 3-ші дәрежелі бет күйігімен түсті. Құлағы, құлақ қуысы күйген. От екі қолы, сол жақ иығы, белі мен санын да шарпыған. Денесінің 12 пайызы күйіп қалған. Дәл қазір жағдайы орташа.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
