Нұрсұлтан Назарбаев әр қазақстандыққа алғыс айтты
Нұрсұлтан Назарбаев әр қазақстандыққа тәуелсіз мемлекет құруға үлес қосқаны үшін алғысын білдірді. Биыл еліміз егемендіктің 29 жылдығын атап өтуде. Осы 29 жыл бұрын Қазақстанның жаңа тарихы басталды. Осыншама жылда қаланған мемлекетіміздің берік іргетасы оны өсіп-өркендетті, гүлдендірді.
Автор: Гүлбағда Қайратқызы
15.12.2020
«Ел халқының бірлігі мықты болса, алда тұрған талай белесті де бағындырамыз», - деді Елбасы.
Нұрсұлтан Назарбаев, Қазақстан Республикасының тұңғыш президенті:
- Біз Алтайдан Атырауға, Алатаудан Арқаға дейінгі ұлан-ғайыр атырапты мекендеген баһадүр бабалардың ұрпағымыз. Үстірт пен қарт Каспийдің жағасын, Сыр мен Ертістің арасын алып жатқан байтақ даланың заңды мұрагеріміз. Біздің бағындырар белесіміз бен шығар шыңымыз әлі алда. Тәуелсіздігіміз тұғырлы болсын. Қазақстанымыз мәңгі жасай берсін!
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
