Әуежай мен вокзалға келгендер театр қойылымына аң-таң. Халық әндерінен бастап қазақ классикасына айналған әуендерді бірге шырқап, бір жасап қалды. Мұндағы жұрттың пандемия мен карантин кезінде концертті сағынып қалғаны көрініп-ақ тұр.

Ал оралдық әртістер тәтті әуенді үйлерге дейін жеткізді. Яғни жергілікті әншілер мен күйшілер аула-ауланы аралап концерт қойды. Көрерменнің назарын аңсаған олар әр аулаға өзінің кішігірім сахнасын да алып жүрді. Іс-шара оралдық тұрғындарға қатты ұнады. Қытымыр аязға қарамастан, әртістердің өнерін тамашалауға тұрғындар далаға көрпе оранып шығып жатты. Қалың киіммен билеп жүргендері де көп. Сондай-ақ жергілікті шенеуніктер автошеру де ұйымдастырды. Ақжағалылардың автошеру жасау идеясын жергілікті жұрт қуана қолдапты.

Артур Шерғалиев, Орал қалалық спорт және денешынықтыру бөлімінің жетекшісі:

- Тұрғындар біздің бастамамызды бірден қолдады. Сөйтіп бірыңғай ақ түсті 16 көлікпен шықты. Осылайша бір жарым сағат бойы қала көшелерінде жүріп өттік. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!