Кандидаттар Ақсудағы ферроқорытпа зауытының жұмысшыларына бағдарламаларын түсіндірді. Кездесуде жұмысшылардың құқынан бөлек, тұтастай әлеуметті толғандыратын тегін білім, медицина, тұрғын үй мәселелері сөз болды.

Мәжіліс сайлауына түсетін партия мүшелері азаматтардың жайлы және қауіпсіз жағдайда өмір сүру сапасының ең төменгі стандарттарын заңнамалық түрде бекіту қажет деп отыр. Оған қоса кандидаттар жер мәселесін түбегейлі шешіп, әр отбасыға үй салып, шаруашылығын дөңгелентуге 20 сотық жер телімін беруді уәде етті.

Нұрболат Теміров, Қазақстан халық партиясының мүшесі:

- Халық жанына жақын өзекті мәселелердің шешімін қалайды. Әлемде орын алған жағдайға байланысты, бірінші кезекте, денсаулық мәселесін көтерді. Сапалы және қолжетімді медицина саласы оны барлығымыз білеміз қандай жағдай орын алғаны. Ақсу, Павлодар қаласында жаз айларында қиын жағдай болды. Осы мәселені көтеріп отыр, денсаулық саласында. 

Бізді Youtubе-та қараңыз! Бізді Facebook-та, Instagram-да, Telegram-да оқыңыз!