Өскемен мен Семей шаһары да аяз құрсауында. Қос қалада күндіздің өзінде сынап бағынасы 22 градус суықты көрсетіп тұр. Осы үскірікте Семейде алты адамды  үсік шалған. Сондықтан полицейлер көше аралап, жертөле мен иесіз ғимараттарды паналаған қаңғыбастарды  жинап жатыр. Екі күннің ішінде жылу құбырын жағалап жүрген 47 адам уақытша бейімдеу орталығына жеткізілді. Ал сүйектен өтетін суықта күре жолдарға тосқауыл қойылған жоқ. Дегенмен аймақтағы төтеншеліктер жұртқа сақ болуды ескертеді.

Қымбат Көпбаев, Семей қаласы ТЖБ азаматтық қорғаныс бөлімінің бастығы:

- Қазгидрометтің ақпараты бойынша осы аптада күндіз 20-25 градус аралығында, түнде  25-30 градус аралығында аяз сақталады. Қала тұрғындары мен қала қонақтарына маңызды болмаса, қала маңынан шықпауларын сұраймыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!