Эпидахуал: Өткен тәулікте еліміздің барлық өңірінен КВИ табылды
КВИ тағы 10 жерлесіміздің өмірін жалмады. Барлығы коронавирустан қайтыс болған. Тағы 760 отандасымыздан қауіпті вирус табылды. Бұл тек соңғы бір тәуліктегі статистика.
Автор: Мақсат Мәлік
28.12.2020
Пандемия басталғалы Ковид-19 жұқтырғандардың қатары 152 мыңнан асып кетті. Қос өкпесі қабынған 45 мың 442 адам дәрігерлердің көмегіне жүгінген. Өкінішке қарай өткен тәулікте еліміздің барлық өңірінен вирус табылып отыр. Әсіресе Атырау облысында 133 тұрғын коронавирус жұқтырған. Соңғы деректе Алматы қаласы мен Павлодар, Қостанай, Алматы облыстарындағы ахуал мәз емес. Тек Қызылорда облысында ғана бір тұрғынның тесті оң нәтиже берген.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
