Бір үйдің өртіне 10 техника мен 70 өрт сөндіруші жұмылдырылды – Қарағанды
Қарағандыда бір үйдің шатырынан тұтанған от ауладағы қора-қопсы мен көрші үйді шарпыды. Соның салдарынан газ баллоны жарылып, гараждағы көлік түгі қалмай өртеніп кеткен. Тілсіз жаумен әбден алысқан құтқарушылар көрші үйге түскен отты әрең сөндіріпті.
Автор: Саят Дәулетжанұлы
08.01.2021
Қызыл жалынның қарқыны қатты болғандықтан, апат орнына 10 арнайы техника мен 70 өрт сөндіруші жеткен. Олар тілсіз жаумен екі сағат арпалысып зорға өшіріпті. Десе де сарайдағы газ баллондары жарылып, ұшқыны көрші үйге түскен. Бүкіл өрт 500 шаршы метр аумақты шарпып үлгерген. Ал тұрғындар қашып шығып аман қалған. От электр сымдарының тұйықталуынан тұтануы мүмкін деген болжам бар.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
