Қылмыстық кодекске енгізілген түзетулерге сәйкес, егер аса ірі көлемде пара берген адам бұрын 5 жыл бас бостандығынан айырылса, қазір мұндай айлаға барған пысық 7 жылға қамалады. Оның үстіне мерзімінен бұрын босап шығу деген атымен жоқ. Ал ұсақ көлемде пара берген азамат, мысалы, 100 мың теңге ауызбастырық ұсынғаны үшін 2 миллион теңге айыппұл арқалайды. Заңдағы өзгеріс бизнесті барынша қорғауды көздейді.

Былтыр Қазақстандағы кәсіпкерлік субъектілеріне қоқан-лоққы көрсетуге қатысты 713 дерек тіркеліпті. Енді ел ішіндегі кәсіпкерлердің табысына ортақтасатындар да оңбайын деп тұр.

Олжас Бектенов, ҚР Сыбайлас жемқорлыққа қарсы іс-қимыл агенттігі төрағасының бірінші орынбасары:

- Бизнеске тосқауыл болған мемқызметкерлер 5 жылға, ал сот, құқық қорғау саласының қызметкерлері 8 жылға дейін түрмеге отырады. Өйткені кәсіпкерлікке қасақана кедергі келтіргеннің әрекеті мемлекеттік саясатқа қарсы тұрумен пара-пар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!