COVID-19: 300-ге жуық сырқаттың жағдайы өте ауыр
Елімізде коронавирус инфекциясына шалдыққандар әлі де көбейіп жатыр. Соңғы тәулікте ковид-19 құрығына 831 адам іліккен. Ал қос өкпесі қабынғандардың қатары 76 адамға толықты. Осылайша ковид жұқтырғандардың жалпы саны 160 650-ге жетіп, коронавирус пневмониясымен тіркелгендер 46 мыңнан асты.
Автор: Салтанат Шырынхан
08.01.2021
Кешелі бері дерт тағы үш адамның өмірін жалмаған. Кеселден көз жұмғандардың жалпы саны осымен 2 жарым мыңға жетті. Ал ауруханада жатқан 300-ге жуық сырқаттың жағдайы өте ауыр дейді дәрігерлер. Аймақтағы ахуал бойынша Алматы қаласы алдыңғы шепке шығып отыр. Мұнда бір күнде 128 адамнан ауру анықталған.
Павлодар облысында соңғы тәулікте 87 тұрғынның сынамасы оң нәтиже көрсетіпті.
Үшінші орындағы Нұр-Сұлтан қаласында 76 науқастың індет жұқтырғаны белгілі болды.
Көктемнен бері 147 жарым мыңға жуық отандасымыз коронавируспен ауырған.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
