Ақтөбеде каратеші Дәулет Хайролланы атып кетті
Ақтөбеде каратэден еліміздің үш дүркін кубогын иеленген спортшыны атып кетті. 18 жастағы Дәулет Хайролланың денесі қаланың орталық даңғылында тұрған көліктен табылды.
Автор: Жаңалық Ахаш
05.02.2021
Дәулет Хайролла кешқұрым ата-анасынан жарты сағатқа сұранып шыққан. Өзімен қатарлас жігіттермен кездесіп, керісіп қалады. Солардың бірі сөзге келместен спортшыны ішінен атқан. Ол қансыраған күйі аялдама жанына қойған көлігінде тіл тартпай өліп кетеді. 18 жастағы Дәулет Хайролла киокушинкай каратэден тек еліміздің ғана емес, Азия кубогын жеңіп алған. Былтыр өзінің жеке спорт мектебін ашып, бапкерлікке бет бұрыпты. Мектеп оқушыларын жаттықтыруымен айналысқан. Оның өліміне қатысты тәртіп сақшылары 20-21 жастағы үш жігітке іздеу жариялап, әзірге тек біреуін ұстады. Оқ атқан басты күдікті де сол деп отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
