Алдағы сенбіден бастап елімізде көлік жүргізушілеріне қатысты жаңа заң қолданысқа енеді. Жүргізуші куәлігі мен техпаспортын бірге алып жүру міндетті емес. Тек жеке куәлігі жеткілікті. Болмаса, шетелдік паспорты да жарай береді. Ал полиция бар мәліметті планшет арқылы тексереді.  Интернет ұстамаған жерде мәлімет радиобайланыспен жақын жердегі полиция бекетінен анықталады. Бірақ заңдағы бұл өзгеріс шетелдік көлік жүргізушілеріне жүрмейді.

Елімізде заң бойынша адамның жеке басын куәландыратын құжаттың 12 түрі бар. Тек цифрлық жеке куәлік бұған әзір жарамайды.

Серік Түсіпов, ҚР ІІМ Әкімшілік полиция комитеті төрағасының орынбасары:

- «Жеке басын куәландыратын құжаттар туралы» заңға сәйкес, оған әзірге тек материалдық нысандар жатады. Дегенмен бұл бағытта жұмыс жалғастырылып жатыр. Цифрлық технологиял бір орында тұрмайды, ылғи дамып отырады. Құқықтық мәртебесі де өзгереді. Сондықтан болашақта цифрлық құжаттар да қолданылуы мүмкін, біз оны жоққа шығармаймыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!