Құтқарушылар оны шатқалда қатып қалған күйі тапты. Тауда адасып кеткені туралы туристтің өзі құтқарушыларға хабарлап айтқан. Кейін соңынан 70 адам іздеп шықты. Себебі, сол күні тауда аяқасты боран басталып, бір емес, бірнеше көшкін жүріп өткен. Боранға қарамастан, құтқарушылар жігітті түні бойы іздеген. Иісшіл иттердің көмегімен жоғалған туристтің мәйіті тек бүгін табылды. Қар астында қалып қойған жігіт қатты үсіп қалған. Оның денесін құтқарушылар шатқалдан үш сағат дегенде әрең түсірді. «Тауда қар көшкіні жүреді» деген смс-хабарламалар бұған дейін  тараған. Сондықтан төтеншеліктер тау сүйер қауымды сақ болуға шақырады.    

Бізді Youtubе-та қараңыз! Бізді Facebook-та, Instagram-да, Telegram-да оқыңыз!