Жол апатында көше тазалаушы мерт болды – Тараз
Таразда көше тазалаушы көлік астына түсіп көз жұмды. Екі машина бір-бірімен соқтығысып, соның салдарынан «Жасыл ел – Тараз» мекемесінің жұмысшысы жазым болды. Марқұм апат болған жерде жол тазалап жүрген екен.
Автор: Руслан Әбдіхалық
16.02.2021
Қайғылы жағдай Ниетқалив пен әл-Фараби көшесінің қиылысында болған. Дәл осы тұста «Жасыл ел – Тараздың» жұмысшылары көше сыпырып жүрген екен. Сол сәтте зуылдап келген екі көлік бір-біріне соғылған. Соның салдарынан машинаның бірі ұшып барып жол жиегіндегі әйелді қағып кетеді. 52 жастағы жұмысшы сол жерде жан тапсырған. Жол апатына әзірге қай жүргізушінің кінәлі екені белгісіз.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
