Күші қарияға жеткен – Зейнеткерді ұрып, тонаған қаскөй ұсталды
Күші қарияға ғана жеткен. Нұр-Сұлтанда тапа-тал түсте зейнеткерді жұдырықтап тонап кеткен қаскөй қолға түсті. Ол қартты тамақтанатын жер сұраған болып әңгімеге тартқан. Сол сәтте ұрып құлатып, қолындағы сөмкесін жұлып алған.
Автор: Нұрқанат Омарұлы
18.02.2021
Қаскөйдің әрекеті бақылау камерасына түсіп қалды. 78 жастағы қарияның қолындағысын тартып алып, дереу гараждардың арасында бой тасалаған. Сол жерде сөмкедегі ақша мен екі телефонды алып, құжаттарды лақтыра салыпты. Жедел топ тонаушының ізіне түсіп, ұрланған ақшаны жұмсап үлгерткен жоқ. 30 жастағы азамат бұған дейін де істі болған екен. Қазір тонау фактісі бойынша іс қозғалды.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
