Жасқайрат Қайыров, Павлодар облыстық ПД бастығының орынбасары:

- Қазір оқиғаның мән-жайы анықталып жатыр. Осы қылмысты жасады деген 65 жастағы күдікті ұсталды. Оның қаруы да тәркіленіп, өзі уақытша ұстау абақтысына жабылды.

Бақылау камерасына түсірілген видеода қылмыскердің қара түсті киім кигені,  бетіне бетперде, қара көзілдірік таққаны анық көрінеді. Оның бұл іске мұқият дайыналып, түрін барынша жасыруға тырысқаны байқалады. Бірақ соған қарамастан тәртіп сақшылары 60 жастағы электромонтерды өлтірді деген күдіктіні қолға түсірді. Қаскөй шолақ аңшы мылтығынан атқан.

Қанды қылмыс кеше Екібастұздағы көп қабатты үйлердің ауласында болған. Қоқыс тастап келе жатқан кісіні белгісіз біреу алдынан шығып атып кеткен. Кейін қайта оралып, жерде жатқан адамды тағы да атқан. 60 жастағы жергілікті тұрғын сол жерде жан тапсырды.  

Бізді Youtubе-та қараңыз! Бізді Facebook-та, Instagram-да, Telegram-да оқыңыз!