Кен орнының басшылары жер сипап қалғанын бухгалтер жұмысқа шықпай қалғанда бір-ақ білген. 1 миллиард 533 миллион теңгені өз есепшотына аударған қаржы бөлімінің қызметкері жалғыз кетпеген сияқты.  Динара Бегалинамен бірге күйеуіне де іздеу жарияланды. 1983 жылғы Қайрат Нұрмағанбетов бұрын сотталған екен. Екеуі де Степногор қаласының тұрғыны. Қазір оларды полициядан бастап,  бірнеше ведомство аяғынан тік тұрып іздеп жатыр.

Гүлнәр Пинчук, Ақмола облыстық ПД баспасөз қызметінің жетекшісі:

- Полицияға «Қазақалтын» тау-кен комбинаты қаржы бөлімінің басшысынан қарамағындағы есепшінің аса ірі көлемдегі қаражатпен із-түзсіз жоғалып кеткені жайлы арыз түсті. «Сеніп тапсырылған бөтен мүлікті иемденіп алу немесе талан-таражға салу» бойынша сотқа дейінгі тергеу басталды. Іздеу жарияланды.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!