Оқиға үйдің төбесінде болды. Шатырда ойнап жүрген бір топ баланы сол маңайдағы үйлердің тұрғындары көріп полиция шақыртқан. Алайда жасөспірімдер тәртіп сақшысының сөзіне құлақ аспай, жан-жаққа тым-тырақай қашыпты. Сол сәтте полицейдің аяғы тайып кетіп, 9-шы қабаттан 7-ші қабаттағы бетонға бір-ақ құлап түскен. Кейін белгілі болғандай, бір топ жасөспірім салынып бітпеген үйдің шатырында тик-ток түсіріп жүріпті.  

Балаларды құтқармақ болып төбеге көтерілген сақшы үшінші тәулік ес-түссіз жатыр. Туыстарының айтуынша, басына екі бірдей күрделі ота жасалған. Жқындары енді жас жігіт мүгедек болып қала ма деп қорқады. 38 жастағы Тимур Қалмұрзаев кәмелетке толмаған балалардың ісі бойынша аға инспектор. Сақшының шиеттей үш баласы бар. Келіншегінің төртіншісіне аяғы ауыр. Ұлы есін жиса деген тілекпен полицейдің анасы үшінші күн аурухананың босағасында жанын қоярға жер таппай жүр.    

Бибігүл Қалмұрзаева, анасы:

- Өмір мен өлімнің арасында жатыр. Әлі көрсеткен жоқ, бізді кіргізген жоқ. Білмейміз. Әлі есін жия алмай жатыр. Соған мен көмек сұраймын, Ішкі істер министрі Тұрғымбаевтан, балама қарап, қатарға қосылып кетуіне жәрдемдессе екен деймін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!