Ақылбек Күрішбаев, Сенат депутаты:

- Бұрын елімізде болмаған, бізде тіркелмей жатқан Шмалленберг ауруы, инфекциялық ринотрахеит, вирустық диарея, моракселлез сияқты қауіпті экзотикалық жұқпалы аурулар сырттан әкелінді. Бұл мәселе отандық ветеринария жүйесінің қазіргі ауыр жағдайын одан сайын тығырыққа тіреді. Біздің қоғам осы импортталған малдың қаншасы бейімделе алғанын, қаншасы өлгенін нақты білмейді.

Сенатор халық ауыл шаруашылығы саласындағы ащы шындықты білуге құқылы деп есептейді. Себебі, асыл тұқымды мал жеке инвестицияларға емес, салық төлеуші қазақстандықтардың ақшасына сатып алынады. Халық қалаулысы елдегі асыл тұқымды малдың популяциясын сақтап қалу керектігіне де баса назар аударды.

Күрішбаевтің пікірінше, асылдандырылған малдың басын көбейтуде жасанды ұрықтандыру тәсілі тиімді. Бұл мәселе әсіресе ауылдағы ағайынға аса маңызды. Бүгінде сүт бағытындағы ірі қара малдың қолдан ұрықтандыру үлесі Қазақстанда 15 пайыздан әрі аспайды. Көрші елдермен салыстырғанда көрсеткіш 4-6 есе азайған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!