«Достучаться до мужчин» туындысының үлкен экранға шыққанына бес күн болды. Сол аз уақытта әзіл-қалжыңы аралас картина көптің көңілінен шығып үлгерді. Көрерменге жақсы киномен қатар жағымды жаңалық та бар. Мұнда кино ұжымы түрлі ұтыс-ойын ұйымдастырып жатыр. Басты сыйлық – Түркияға екі жолдама.

Сабина Сәкен, продюсер:

- Біз өзіміз кино түсірген отельге 7 күнге, ұшағы бар, тұратын жері бар, тамағы бар – барлығы ішінде 7 күнге екі адамға бір жолдама, екінші жолдама – екі адамға. Ұтыс шарты оп-оңай. Киноға билет сатып алып, чегін сақтап қою. Біздің инстаграмдағы парақшамызға жазылу. Болды, осы ғана. Ұтыс әділ өтеді. Ешқандай да тамыр-таныстық болмайды.  

Аталған шартты орындау үшін, ең алдымен кинотеатрдан киноны көруді ұмытпаңыз.

Фильм төрт түрлі тағдыры тоғысқан құрбылар жайында. Бірі – үй шаруасындағы көпбалалы ана, енді бірі – іскер ару. Шығармашылыққа жақын жан мен ер мінезді әйелдің де образын қосқан. Бұл рөлдерді Ділнәз Ахмадиева, Мира Добрынина, Әсел Садуақасова мен Сабина Сәкен сомдайды.

Мира Добрынина, актриса:

- Біз фильм арқылы таяқтың екі ұшы барын жеткізгіміз келді. Бұл жұптар арасында түсінбестік туындауына бір ғана жан емес, екі адам бірдей кінәлі, жауапты деген сөз. Картина отбасы құндылығын, ғашықтардың бір-бірін сыйлап, бағалап, лажы болса, ұрысқа жеткізбеуі керектігі жайында.

Ұйымдастырушылар ұтыс ойынының нәтижесін 7-сәуірде шығарамыз деп жоспарлаған. Алайда карантиннің жаңа қаулысының қабылдануына байланысты уақыты өзгертіледі. Ендеше шытырманға толы комедияны көріп, Түркияға саяхаттағыңыз келсе, кинотеатрға асығыңыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!