Бүгінде дайындалған 1615 орынның 500-інде карантинге алынған науқастар жатады. Вирустың жаңа штамдарының тіркелгеніне қарамастан, ауырғандар бұрынғы протоколмен емделе бермек. Жансақтау бөлімдері 40 пайызға толы. Бүгінде Нұр-Сұлтан эпидемиологиялық жағдай бойынша оңтүстік астанадан кейінгі орында тұр. Егер ахуал ушықса, ауруханалардағы орын саны көбейтіледі.

«Қызыл» аймақтағы бас қалада карантин шектеулері өзгеріссіз. Сенбі-жексенбі күндері автобус жүрмейді, сауда орындары жабық. Ал мектептер төртінші тоқсанды онлайн бастайды. Тек 9 бен 11 сынып оқушылары аралас форматта оқиды. Колледж, жоғары оқу орындары да қашықтан білім алады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!