Биыл жәрмеңкеге 221 жоба өтініш берген. Бұл рекордты көрсеткіш. Финалдық кезеңге 50-і іріктеліп алынған. Арасынан ең үздік деп танылған 8 жоба қордың грантына ие болды. Бұл жобалар мүмкіндігі шектеулі балалардың қабілетін дамыту, табиғатты аялау, арт-терапия, инклюзивті білім беру, балалар мен жасөспірімдерге өз құқын біліп жүруді үйрету сынды түрлі саланы қамтыған.

Өскемендегі пластилиннен жасалған анимациялардың мектеп-студиясы даму ерекшелігі бар балаларға өте қолайлы орта. Мұнда олар пластилиннен сүйікті мультфильм кейіпкерлерін бейнелейді.

Қор әлеуметтік идеялар мен жобалардың ауқымды жәрмеңкесін 2008 жылдан бері өткізіп келеді. Нұрсұлтан Назарбаев қорынан грант иеленген 8 жоба енді жоспарын жүзеге асыруға мүмкіндік алып отыр.

Лаура Ибраимова, «Арал Ару Ана» қоғамдық бірлестігінің жетекшісі:

- Менің жобам Арал ауданынан балаларға арналған дамыту орталығын ашу. Маған қолдау көрсетіп, осындай ауданымыздың ерекше күтім қажет ететін балаларға мүмкіндік жасап, сол орталықта балалардың әлеуметтік ортаға бейімделуіне өз-өзіне қызмет көрсетуіне және де шағын шығармашылық дамыту орталығын жалғастыруға мүмкіндік жасағандарына мен өте ризамын.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!