Өрт жексенбі күні басталған. Алқаптағы қураған шөп өртеніп, ары қарай желдің күшімен ауылға жеткен. Өрт сөндірушілер қызыл жалынды екі сағаттың ішінде ауыздықтады. Десе де тілсіз жаудан  үш үй мен төрт ғимарат  түгі қалмай жанып кетті. Баспанасыз қалғандар екі күннен бері көршілері мен туыстарының үйін паналауда. Жергілікті билік өрттен зардап шеккен тұрғындарға 300 мың теңге көлемінде өтемақы төленетінін жеткізді. Ал қызылжарлықтар тұрмысқа қажет зат жинап, көмек беруді бастап кетті.

Сергей Зебольд, Петропавл қаласының тұрғыны:

- Тұрғындар қолда барын беріп жатыр. Біреуі теледидарын әкеліп берді. Енді бірі кілем, ыдыс-аяқ, көрпе-жастығын беріп жатыр. Қайырымды жандарға алғыс айтамын. Көмек беремін дегендерді күтеміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!