- Көшуге ниет білдірген отбасы қабылдау туралы облыс, барлық аудан туралы толық ақпаратқа қол жеткізе алмайды. Соның салдарынан олардың таңдау мүмкіндігі шектеулі. Кейбір жергілікті органдар қоныс аударған отбасын өзі қалаған ауылына емес, әкімшілік таңдаған ауылға жіберуде. Тағы бір мәселе:  тұрғын үй. Кейбір өңірлерде жаңа жеке тұрғын үйлерді салу жұмысымен шаруа қожалықтары айналысуда және ресми келісу процесін толық өткізбестен салып жатыр.

Проблеманы тізіп берген сенатор түсіндіру жұмысын күшейтсе, бәрі реттелетініне сенімді. Ал ол үшін оңтүстіктегі азаматтарды жіберуші тарап пен оларды солтүстікте қабылтайтындарға Call-орталық ашып, сол жерде толық ақпарат берілуі керек.

Әлімжан Құртаев банкте несиесі бар көшіп-қонушыларға алты айдан бір жылға дейінгі мерзімге несиелік демалыс беруді ұсынып отыр. Жалпы оңтүстіктен солтүстік Қазақстанға соңғы үш жылда бес мыңнан астам азамат қоныс аударған.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!