Елімізде шырғанақ өсірумен қостанайлық қария Владимир Задонский 30 жылдан бері айналысады. Ол жыл сайын ұйымдастырылатын «Қайырымдылық керуені» сайысында «Қамқор жүрек» номинациясын иеленгенде, ақсақалдың игі ісін көпке үлгі ету көзделіпті.  Бүгінгі шара соның бастамасы. Егер отырғызылған шыбықтар жерсініп кетсе, елордадағы саябақтар әлі де шырғанақ ағаштарына толады.

Әлкей Марғұланұлы, Нұрсұлтан Назарбаев қоры атқарушы директорының орынбасары:

- Дариға Нұрсұлтанқызы, қордың директоры, ол кісі шырғанақ бұтақтарын отырғызып, астанада жеміс-жидек бақтарын ашайық деген идея ұсынған. Міне, біздің шарамыз соның нәтижесі. Қазір біз тек 100-ін тәжірибе түрде отырғыздық. Егер жерсінсе, 1000-ға дейін жыл соңына дейін егеміз. Бұны жыл сайынғы біздің қордың «Қайырымдылық керуені» республикалық сайысының шеңберіндегі дәстүріне айналдырамыз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!