Келген шығын көлемі әлі есептеліп жатыр. Облыстық төтенше жағдай департаментінің мәліметінше, құмды дауыл Тайыншы, Ақжар мен Уәлихан ауданын басқан. Талшық ауылында 290 шаршы метр шатырды жұлып кеткен. Алқатерек пен Восход ауылдарында екі спорт зал шаңырақсыз қалды. Абырой болғанда адам мен мал шығыны жоқ. Арнайы құрылған комиссия есептеп біткен соң, толық шығын көлемі белгілі болады.

Кеше Солтүстік Қазақстан облысында болған құмды дауыл жергілікті жұртты дүрліктірді. Табиғаттың тосын мінезінен айналаны күндіз түнек басты. Синоптиктер мұндай құбылысты салқын және жылы атмосфера фронттарының тоғысуынан жел тұрып, арты дауылға ұласқанын айтады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!