Асқар Мәмин зардап шеккен тұрғындармен  кездесіп, салынып жатқан баспаналардың құрылысын тексерді.

Қазір зардап шеккен отбасыларға арналған 34 үйдің құрылысына бес мердігер мекеме жұмылдырылған. Әр баспананың ауданы – 80 шаршы метр. Тамыз айының ортасына дейін құрылысты толық аяқтау жоспарланған. Алайда Үкімет басшысы шілде айына дейін далада қалғандар баспаналы болуы керек дейді. Өйткені бір күнде барынан айырылғандар туған-туысы мен қонақ үйді паналап жүр. Асқар Мәмин өрт жалмаған ауылды қалпына келтіруге жарты миллиард теңгеден астам қаржы бөлінетінін жеткізді.

Асқар Мәмин, ҚР премьер- министрі:

- Қазір 30 үйдің іргетасы құйылып, қабырғасы қаланып жатыр.  Құрылысты өңір әкімі Даниал Ахметов 15-тамызда бітіреміз деп отыр. Бірақ жылдамдату керек. Негізі жұрт шілде айында жаңа баспанаға қоныстануы қажет.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!