- Міне, чиптің пайдасы. Темір. Оқ тисе кері кетеді.  

Мысқылдап тұрған қай өңірдің азаматы екені белгісіз. Ол: «Вакцинадан кейін иығымда чип пайда болды» деп, оған магнит жабыстырып дәлелдемек болады. Оның сөзінше, магнитті екпенің орнына жақындатса жабысып, басқа бөлігіне апарса түсіп қалады екен.

Бұл көрініс әлеуметтік желіде қызу талқыланып жатыр. Ал эпидемиологтар ер адамның бұл әрекетін сынға алды. Олардың сөзінше, бар болғаны бес миллиграмдық сұйықтықты темірге айналады деу – ақымақтық. Сондықтан елді адастырып көптің күдігін күшейтетін осындай адамды тауып, жауапқа тарту керек дейді.

Гүлфайра Мырзабекова, Жамбыл облысы денсаулық сақтау басқармасының бас эпидемиологы:

- Мұндай адамдарды зиянкес деуге болады. Халқына зиянын тигізіп жатыр. Бұл мәселемен құзырлы орындар айналысуы тиіс. Оны жай қалдыруға болмайды, тауып, жазалау қажет.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!