- Қырғын болып жатыр. Мына шеті Абай, мына шеті Алтынсарин, Қалдығараев деген. Ата-аналар, балаларыңызды алып кетіңіздер.  

Бас-көзге қарамай бір-бірін төмпештеген Ыбырай Алтынсарин мен Жұмағали Қалдығараев атындағы мектептің 11-сынып оқушылары. Бейнеу ауданындағы екі мектептің 40-қа жуық түлегі бір жерде кездесіп, өзара келіспей қалып, көшенің қақ ортасында төбелескен.

Бұзақылық бабымен жеті оқушыға қатысты қылмыстық іс қозғалды. «Барлығы мектепаралық кикілжіңнең шыққан», - дейді полиция департаменті. Балалардың ешқайсысы да шағыммен ауруханаға бармаған.   

Әйгерім Ибатуллаева, Маңғыстау облысы ПД баспасөз қызметінің жетекшісі:

- Оқиға орнынан 7 адам ұсталып, мән-жайды анықтауға полиция бөлімшесіне жеткізілді. Аталған факті 293 бабы, бұзақылық бойынша Бейнеу ауданының полиция бөлміне тіркелді. Полиция департаменті түлектердің ата-аналарына кәмелетке толмаған балалары үшін жауапкершілік түрін ескертеді. Мектеп оқушыларын қадағалауды шақырады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!