Жарлық мәтінінде «Адам өмірін сақтап қалуға байланысты қиын-қыстау жағдайда көрсеткен ержүректігі үшін Алматы қаласы «№199 мамандандырылған гимназия мұғалімі Мерей Нұрғазыұлы Ибрагимов «Ерлігі үшін» медалімен наградталсын» деп жазылған.

Оқыс оқиға Шарын шатқалында 29-мамырда болды. Аяқасты нөсер жауыннан кейін шатқалда сел жүрген. Дәл сол күні №199 гимназияның сегіз оқушысы экскурсияға шыққан. Жеткіншектерді бес ата-ана мен үш мұғалім ертіп жүрген. Сел екі адамның өмірін жалмады. Бірі – оқушы, екіншісі мектеп ұстазы. Сел алып кеткен қыздардың бірін құтқарушылар келесі күні аман-есен тапқан болатын. Ал үш бала қазір түрлі жарақатпен ауруханада емделіп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!