Небәрі бес минутқа созылған күшті желдің кесірінен көпқабатты 5 үй, үш комерциялық нысан мен екі мектептің шатыры ұшып кеткен. Ресми дерек бойынша алты көлік зақымданыпты. Тіпті үстіне ауыр зат түскен 12 жасар бала ауыр жағдайда ауруханада жатыр. Жойқын желде электр желілері үзіліп, 14 мың отбасы жарықсыз қалды. Екі бірдей шағынаудан кешелі бері түнекте отыр. Дүлей дауылдың салдарын жоюға қаладағы бүкіл комуналдық мекемелердің қызметкерлері жұмылдырылды. Апаттан келген шығын көлемі есептеліп жатыр. Кешеден бері күшейтілген режимде жұмыс істеп жатқан төтенше жағдайлар департаменті таяу арада тағы күшті жел болуы мүмкін деп ескерту жасады.

Жәнібек Кәрімбаев, Шымкент қаласы ТЖД бастығының орынбасары:

- Бүгінге де 15-20 метр секундына деп Қазгидромет болжам берді. Алдын ала хабарлама бердік. Бүкіл әлеуметтік желілер бар, телеарна, радио, бәріне бердік. Халықты ескертіп қойдық. Шығындарды есептеу үшін ол кісілер арыз жазып және қажет құжаттың бәріне, ҚР қаулысына сәйкес жиналады.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!