Нұрлан Нығматулин, Мәжіліс спикері:

- Ең бастысы, ауыл шаруашылығы мақсатындағы жерлерді жалға беру заңмен бекітілді. Осы мәселеге қатысты қоғамда әр түрлі пікір, әртүрлі ой айтылды. Енді жерді жекеменшікке беру бес жылға тоқтатылады.  Заң жобасы жеке мал жаюға қажет жайылым тапшылығын шешуге де ықпал етеді.

Аталмыш заңға сәйкес, жерді пайдалануды бақылау функциясы әкімдіктерден қайтарылып алынады. Бұл құзіреттің барлығы ауыл шаруашылығы министрлігінің Жер ресурстарын басқару комитетіне берілгелі жатыр. Мұндай өзгеріске облыс әкімдіктерінің жерге ие бола алмағаны себеп екен. Жеті жылда мыңдаған гектар алқап сатылған, тамыр-таныстарға заңсыз үлестірілген. Тек ауыл-аймақтағы ағайынның айқайынан кейін жер комиссиясы шешім шығарып, жерді пайдалану мен қорғау тәртібін арнайы қағидамен бекітіп берген.

Айдарбек Сапаров, ҚР Ауыл шаруашылығы вице-министрі:

- Жаңа ереже бойынша алдағы уақытта жерді пайдалану мен қорғау тәртібі – «Республика – облыс - аудан» қағидатымен құрылмақ. 2014 жылы әкімдіктерге тапсырылған 250 маман бізге қайтып келеді. Менің ойымша, жердің дұрыс бөлінуін бақылауға осыншама кадр жеткілікті. Тек жұмысты дұрыс ұйымдастыра білу керек. Біз өзімізде әлі функциялық талдау жүргіземіз. Бәлкім министрліктің ішкі резерві есебінен жер инспекторларының санын көбейтеміз.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!