Қазақстан AstraZeneca вакцинасынан бас тартты
Қазақстан AstraZeneca вакцинасынан бас тартты. «СҚ-Фармацияның» басқарма төрағасы Ерхат Есқалиевтің айтуынша, ағылшын-швед вакцинасы төңірегінде теріс ақпараттың көбейіп кетуіне байланысты келіссөз тоқтатылған.
Автор: Ербол Тұрымбет
04.06.2021
Дегенмен Есқалиевтің сөзінше, шетелдік вакциналардың ішінде «Джонсон/Джонсон», «Модерна» және «Пфайзер» вакциналары бойынша өндірушілермен келіссөзд әлі жалғасып жатыр. «Дәрі-дәрмектің бірыңғай дистрибьюторында одан өзге ақпарат жоқ», - дейді басқарма төрағасы. Бүгінде елімізде коронавирусқа қарсы 4 түрлі вакцина қолданылып келеді.
- «Спутник V»
- QazVac
- Біріккен Араб Әмірліктерінде қытайлық «Синофарм» компаниясы жасаған «Хайат вакс»
- Қытайлық CoronaVac («Синовак» өнімі). 500 мың дозалық алғашқы партиясы жақында Алматыға жеткізілген болатын.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
