Жол апаты  кешқұрым болған. Бес адам мінген  Skoda көлігі   айналма жолда келе жатып тізгінге ие бола алмай, бар екпінімен «Бурабайға қош келдіңіз» деген жазуды жапырып өтіпті. Үлкен әріптердің күл-паршасы шыққан. Бұл жазулар курортты аймақтағы  айналма жол ортасына өткен жылы қойылған. Қала әкімі отқа жанбайтын, төзімді материал бюджеттің  5 миллион теңгесіне тапсырыспен орнатылған деп отыр. Жол апатының себеп-салдары тексеріліп жатыр.

Серік Баймұқанов, Ақмола облысы ПД басқарма бастығы:

- Жүргізуші рөлге ие бола алмаған. Көлігінің дөңгелегі сол сәтте жарылып кеткен. Нұр-Сұлтан қаласының тұрғыны 35 жастағы азаматқа жол жүру ережесін бұзу, техника мен өзге де мүліктің бүлінуіне әкеліп соғу бабымен іс тергеліп жатыр.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!