Қаршадай Аяланы анасы ай-күні жетіп босанған. Бірақ өсе келе балақайдың аяқ-қолы икемге келмейтінін байқапты. Бірден астанадық дәрігерлердің көмегіне жүгінген. Ақ халаттылар қыздың  сирек кездесетін дертке шалдыққанын анықтады. Енді оның аяққа тұруы үшін  әлемдегі ең қымбат дәрі керек.  Бұл препарат АҚШ-та ғана бар. Оның құны 1 миллиард теңге. Егер ол болмаған жағдайда бүлдіршін қозғалыссыз қалуы мүмкін. Ал қарапайым отбасында препарат сатып алуға қомақты қаражаты жоқ. Сондықтан қыздың ата-анасы жомарт жандардан көмек сұрауға мәжбүр.   

Алма Құмарбекова, Аяланың анасы:

- Балама көмектесіңіздерші. Біз оның асыр салып ойнағанын көргіміз келеді. Препарат алуға ақша болмаған соң, сіздерден көмек сұрауға мәжбүрміз. Ем-домды ертерек жасамасақ, қызымның тыныс алуы қиындауы мүмкін.

Аяланың анасы, Алма Құмарбекова:  8 705 527 77 27

Бізді Youtubе-та қараңыз! Бізді Facebook-та, Instagram-да, Telegram-да оқыңыз!