Тәртіп сақшыларына тұрғындар таңғы сағат 7-де хабарласқан. Бірден оқиға орнына жеткен полицейлер мас күйдегі ер адамды ұстады. Аяқ киімінен басқа ештеңе кимеген еркектің айтуынша, түнде өзен жағасында досымен бірге ішімдік ішіп, салқындап алайын деп өзенге түседі. Судан шыққанда жағалаудан киімін таппаған. Сөйтсе оның заттарын таныстары алып кеткен. Амалы құрыған ер адам көлігінің жүк салғышынан велосипедін алып, Бараев көшесіндегі үйіне қарай бет алады. Араққа сылқия тойған ол көлік айдамағанын айтып ақталған. Дегенмен полиция Әкімшілік құқық бұзушылық туралы кодекстің екі бабымен іс қозғады. Елордалық тұрғын енді айыппұл арқалап немесе қамауға алынуы мүмкін.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!