COVID-19: 493 науқастың жағдайы ауыр
Елімізде бір күнде коронавирусқа шалдыққандар саны 2 мыңнан асты. Әсіресе Нұр-Сұлтан қаласындағы жағдай алаңдатарлық. Мұнда бір күнде 678 адамның індетті анықтауға тапсырған тесті оң нәтижемен шыққан.
Автор: Нұргүл Нұрланқызы
30.06.2021
Науқастар көрсеткішінде Қарағанды облысы да антирекордтың басында тұр. Өңірде бір күнде COVID-19-ды 300-ден аса адам жұқтырған.
Қазір еліміз әлемдік дейгейде аталмыш індеттің таралуы бойынша «қызыл» аймақта қалып отыр. Коронавирус әсіресе бес өңірде өршіп тұр: Нұр-Сұлтан, Алматы қалалары, Атырау, Батыс Қазақстан, Қарағанды облыстары.
Қауіптің «сары» деңгейінде: Шымкент қаласы, Ақмола, Ақтөбе, Қостанай, Маңғыстау облыстары.
Қалған аймақтарда жағдай біршама тұрақты.
Пандемия басталғалы елімізде Қытайдан тараған індетпен 423 мыңнан аса адам тіркелген. Дәл қазір кеселден 25 мыңға тарта адам емделіп жатыр. Дәрігерлер 493 науқастың жағдайын ауыр деп бағалап отыр.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!