Қазақстанда ана капиталын енгізу туралы ұсыныс Мәжіліс қабырғасында айтылды. Депутаттар жаңа туған әр балаға 4 миллион 200 мың теңге берсек, халықтың әлеуметтік ахуалы түзеледі деген сенімде. Үкімет бала туғаны үшін бүлдіршіндердің санына қарай анасына 110-нан 183 мың теңгеге дейін біржолғы төлемдер төлейді.

Бір жылға дейінгі күтім бойынша жәрдемақы бар. Босанғанға дейін жұмыс істейтін аналар да ақша алады. Еңбек министрлігі бұл көмек жеткілікті деп санайды. Сол себепті ана капиталынан бас тартыпты. Халықаралық тәжірибелерді зерттеген шенеуніктердің сөзінше, ана капиталын енгізу үшін елдегі бала туу көрсеткіші тым төмен болуы шарт. Ал Қазақстанда бәрі жақсы. Үкіметтен азғантай жәрдемақы тағайындалса да, ұрпақ сүйгісі келетіндердің қатары көбейген.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!