Жағдайға алаңдаған министрлер кабинеті Ashyq-қа қатыспайтын қалааралық, облысішілік, туристік және микроавтобустардың жүруіне тыйым салды. Ал сенбі-жексенбіде қоғамдық көлік мүлдем тоқтатылады.

Ashyq бағдарламасы болса да, ойын-сауық сауда орталықтары мен базарлар, тамақтану орындары, спортпен шұғылданатын және көңіл көтеру орындары жабық болады. Фудкордтар, кафе, мейрамханалар тамақ тасу қызметімен айналыса алады.

Банк, халыққа қызмет көрсету орталықтары, Қазпошта бөлімшелері, діни ұйымдардың да жұмысы тоқтатылады.

Жұмыс күндері сауда үйлері, базарлар, ойын-сауық орындары сағат 17:00-ден кейін жабылса, Ashyq қатысушылары 20:00-ге дейін қызмет көрсете алады.

Вакцина алған және соңғы үш ай ішінде коронавирустан жазылып шыққан адамдарды қоспағанда, барлық ұйымдардың 80 пайыз қызметкерінің қашықтан жұмыс істеуге мүмкіндігі бар.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!