Әбсаттар қажы Дербісәлі 1947 жылдың 15-қыркүйегінде Түркістан облысы Түлкібас ауданында өмірге келген. Шығыстанушы, дінтанушы, әдебиет зерттеушісі, жазушы, сыншы, филология ғылымдарының докторы. 2000-2013 жылдар аралығында Қазақстанның бас мүфтиі болды. Сонымен қатар Орта Азия мүфтилер кеңесінің төрағасы қызметін абыроймен атқарды. Халықтар достығы мен ынтымағы, діндераралық түсіністікті арттыруда игі істер атқарды. Марқұмның туған-туысына президент Қасым-Жомарт Тоқаев көңіл айтты.

Наурызбай қажы Тағанұлы, ҚМДБ төрағасы, бас мүфти:

- Бүгін таңертең ҚМДБ 10 жылдан артық басқарған дін қайраткері, академик, көрнекті ғалым Әбсаттар қажы Дербісәлінің қайтыс болғаны туралы хабар жетті.  Осы сәтті пайдаланып марқұмның отбасына, туған-туыстарына, барша мұсылман қауымға тағы да көңіл айтамын. Алла алдынан жарылқасын! Иманы саламат болғай!

Бізді Youtubе-та қараңыз! Бізді Facebook-та, Instagram-да, Telegram-да оқыңыз!