Соңғы екі-үш күнде науқас саны тәулігіне мың адамға дейін өсіп отыр. Мәселен, кеше ғана 4 мың 375 жерлесімізден қауіпті кесел табылған болатын. Бұдан өзге соңғы тәулікте 127 отандасымыз коронавирус пневмониясына шалдығыпты. Сырқаттар саны өскен сайын дерттен көз жұмғандар артқан.

Денсаулық сақтау министрлігінің мәліметінше, өткен тәулікте Ковид-19-дан 47 науқас жан тапсырса, 10 адам қос өкпесі қабынып қаза тапқан. Қазір дәрігерлердің көмегіне жүгінген 48 мыңға жуық сырқат ем қабылдап жатыр. Ақ халаттылар 919 адамның жағдайы ауыр десе, 126 науқас жасанды тыныс алу аппаратына қосылған.

Пандемия басталғалы елде коронавирус жұқтырғандар тізімі 472 мыңнан асып кетті.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!