Өрт салдарынан далада қалғандарға Ботаника ықшамауданынан 31 баспана тұрғызу көзделген. Үй құрылысын жеделдетуге бес компания жұмылдырылған. Қалған 20 отбасын тамыз айының 15-не дейін қоныстандыру жоспарланып отыр.  Әзірге олар туысы мен қонақ үйді паналауда.

Мамыр айында Риддерде қарағайлы орман отқа оранып,  290 гектар алқап күлге айналған. 30-дан астам баспананмен қоса, жұрттың жылдар бойы жиған дүние-мүлкін өрт түгел жалмаған. Құрылған комиссияның есебі бойынша 76 млн. 619 мың теңге шығын келген. От ортасында қалған бір зейнеткер тірідей жанып ажал құшты. Ал  70 пен 41 жастағы екі тұрғынның денесін күйік шалып ауыр хәлде ауруханаға жеткізілген болатын.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!