Алексей Цой, ҚР Денсаулық сақтау министрі:

- Цифрлық даму министрлігінен алынған деректе 10-шілдеден бері 16 663 заңбұзушы анықталды. Оның ішінде 10 305 адам «қызыл»,  6 358 адам «сары» мәртебемен жүрген. Осылайша 16 мыңнан астам нысанда халықтың коронавирус инфекциясын жұқтыруына жол берілмеді.

Мониторинг топтар Ashyq жобасы аясында кешегі дүйсенбіде 50 мың нысанды қамтыған. Негізінен елде қосымшаны 70 мыңға жуық бизнес қолданады. Қосымшамен жұмыс істегісі келетіндер саны соңғы бір аптада үш есеге өскен. Бұған 2-тамыздан бастап енгізілген жаңа карантин талаптары мен жобаға қосылу ережелерінің жеңілдегені әсер етіпті. Ashyq жобасын қолданбайтындар мүлдем жұмыс істей алмайды. Ал сенбі-жексенбі күндері Ashyq  жобасы  болсын-болмасын, бизнестің қызмет етуіне тыйым салынған. Қазір ересектермен қоса 12 жастан асқан балалар нысанға кірер кезде Ashyq-пен тексеріледі.

Бізді Youtubе-та қараңыз! Бізді Facebook-та, Instagram-да, Telegram-да оқыңыз!