Жарты жылда 5 триллион 300 миллиардқа сауда жасаппыз
Сауда көлемі қымбатшылық есебінен өсті! Жарты жыл ішінде қазақстандықтар 5 триллион 300 миллиард теңгеге сауда жасаған. Бұл былтырғымен салыстырғанда 16 пайызға артық. Жұрт, әсіресе, киім-кешек пен тұрмыстық техникаға көп шығынданыпты.
Автор: Салтанат Шырынхан
12.08.2021
Ал 2 триллион теңгеге азық-түлік сатып алған. Мұны ranking.kz сарапшылары есептеп шығарыпты.
Алматы тұрғындары дүкен мен базарларда көп ақша қалдырған. Олар жарты жылда 1,7 триллион теңгеге сауда жасапты.
Елордалықтар азық-түлік, киім-кешек пен өзге де тауарларға 609 миллиард теңге жұмсаған.
Шығыс Қазақстан облысының тұрғындары кәсіпкерлердің қалтасын 486 миллиард 500 миллион теңгеге қампайтып отыр.
Маңғыстаулықтар 6 айда 96 миллиард теңгеден аса қаражатты сауда-саттыққа жұмсаған.
Шымкентте де сауда көлемі 10 пайызға өсіп, жұрт 198,5 миллиард теңгесін дүкендер мен базарларда қалдырыпты.
Бізді Youtubе-та қараңыз! Бізді Facebook-та, Instagram-да, Telegram-да оқыңыз!
